Transcription
1
Reçue à Grenoble, le 31 janvier 1573.
2
Monseigneur, jay baillé à Claude de Vaulx la lettre
3
que vostre segnorie luy escripvoit, lequel a promis
4
satisfaire suyvant le contenu dicelle et remettre
5
les pièces quil tient. Je luy ay aussi parlé de
6
payer les deniers quil peult debvoir lequel ma
7
faict response avoir faict plusieurs fournitures
8
et quil ne peult debvoir que environ douze livres
9
de reste. Lon pourra voir par son compte en quoy elles
10
ont esté employées, dont je ne fauldray en retirer
11
ung estat et icelluy envoyer à vostredicte
12
segnerye pour après faire entendre le tout à
13
monsegneur de Veynes [= d’Evenes]. Ledict de Vaulx dict
14
avoir faict quelque meilleurement à aulcune desdictes
15
pièces. Mondit seigneur de Veynes a esté assez
16
adverty luy estant pardeça, de laugmentation ou diminution
17
quil y a faictes, lesquelles je masseure quil
18
nextime pas beaucoup. Qui est lendroit où je prie
19
le Createur luy plaise,
20
Monseigneur, vous donner en parfaicte santé, bonne
21
longue heureuse et contente vie. De Lion, ce XXIXe
22
janvier 1573.
23
Votre très humble et très obeysant
24
serviteur de luz